走回嵐電北野白梅町駅，便乘205號巴士往京都必到景點之一~~金閣寺。
這座世界文化遺產始建於1394年，是室町幕府將軍足利義滿的住所。金閣寺於1467年應仁之亂遭大肆破壞，及後又於1950年被一場大火焚毀。幸好其後成功修復才變成今天模樣。
果然下午去金閣寺較理想，因陽光會照射在寺上變成金光閃閃、金碧輝煌、金光燦爛....
金閣寺的入場卷有些特別，就像一張護身符。
太太因為信奉基督教，對這張符有點抗拒~~~我就解釋比佢聽，依張係入場卷咋！唔係符~~(心理作用啫)
雖然唔係旅遊旺季，但都有不少遊客排隊等靚位影相~~
唔知點解，我成日覺得鑽石山南蓮園池個座金箔寺係參考金閣寺來起嘅~~~
影得多上面，有個湖當然要拍下倒影啦~~~
唉，如果係四月黎就好喇！背景會全部變成櫻花~~~成個畫面肯定更加靚~~~
影影下，見到池塘邊有隻類似「蒼鷺」嘅模型~~~噢！原來係真雀黎~~~好彩有帶支長鏡(70-300MM)！
那那聲換鏡，狂影！
不過太太好像有點悶~~~~
現在連自動求簽機也有了(還有中英韓三種語言)~~~黃大仙廟會否考慮安裝一部呢~~
留言
發佈留言