[網走]2008北海道雪祭之旅Day3:網走天都山流冰館、北方民族博物館、Victoria西餐廳

 探訪完網走監獄，門口見到有巴士，即刻衝上去啦。
點知，原來搭錯方向！又是白費心機，惟有搭的士啦，因為時間就是金錢嘛。
來到天都山流冰館，本來想體驗一下旅遊書所講，濕毛巾極速變硬。
原來要「發」好耐先變硬，有d搵笨。另外，這裡展覽了多種流冰底下的海洋生物，包括多條可愛的海天使。

後來在網上才知，海天使食東西時是會變身為惡魔模樣的！

天都山流冰館網址：

http://www.ryuhyokan.com/

之後去了北方民族博物館，這裡的展品好過癮，有些看了使人會心微笑。其實北方民族應該同愛斯基摩人有d關係，佢地個樣咁似。有時，生活像他們般簡單都幾好吖，不過成日咁可能會悶死喎！

北海道立 北方民族博物館網址：

http://hoppohm.org/index2.htm

 終於catch 到架巴士啦！總算爭番啖氣！哈哈！

由於尋晚坐通宵火車，宜家玩完大半日，體力已透支，係時間打道回酒店，好好休息一下。原本的

「北之新大陸發現」同「網走湖釣公魚」，惟有取消啦，係有d可惜，但為養足精神應付餘下旅程，無計啦！

番到Route Inn酒店，可以洗衫啦，真方便！但係洗衣機係邊呢?原來係男浴場隔離。

夜晚到網友推介的Victoria西餐廳，那裡的粟米湯果然名不虛傳呢，很creamy，很香濃！

又有自助沙律吧，個鐵板都唔錯呀，我點了免治漢堡加厚切牛柳雙拼，滿足哂我依隻食肉獸啦！