[屈斜路湖]2008北海道雪祭之旅Day4:屈斜路湖砂湯~與天鵝在天鵝湖中一起跳天鵝湖~~

下一站來到屈斜路湖砂湯，一隻類似尼斯湖水怪模型出現在面前。

原來從1973年開始，就有人目擊到湖中出現未確認生物(UMA)。

這神秘性的話題，逐漸變成屈斜路湖的旅遊資源之一。

當然，今次主要觀賞的不是水怪啦，而是從北方來過冬的白鳥(即天鵝)。

這裡有溫泉從沙灘上湧出，流入湖中。

雖然湖中還是結着厚冰，但岸邊的湖水還是暖暖的，天鵝都好識嘆架！

睇完天鵝，仲可以免費浸腳tim！睇下位日本小朋友幾enjoy！不過上黎個下就甘囉！

或者可以扮下雪糕都得！

呢個檔口仲可以拜下神，呢位女士沐完佛(我諗係觀音)，仲遞個殼話俾我試下，一於入鄉隨俗啦。到中午時間，有點肚餓，於是在這裡買了半打溫泉蛋，剝開先知係「用溫泉烚到熟哂嘅蛋」，諗住食半熟蛋的我們有點失望，但為了醫肚，亦照食無誤

中午時份，氣溫仍只有零下五度，我想像唔到個朝零下廿幾度係咩感覺囉！

有好多天鵝一邊享受陽光，一邊縮埋個頭瞓晏覺。

忽然，天鵝群起歌唱(定叫囂?)，變成大自然的交響曲，有遊客扮指揮家，形成有趣的畫面。