去到阿寒湖巴士總站，落車後，其他遊客仲係未瞓醒咁唔知點轉車。
幸好一早上網搵定資料，一個箭步衝入轉角的觀光事務所，請職員幫手打電話去鶴雅酒店，出車接我地。
原來仲有幾位香港人一齊搭車，真係有緣喇！
check in 後，由和服女職員帶領我地去房間，由於之前去日本都未住過和室，嗰刻心情真係好興奮！房間佈置得很細緻，我似足大鄉里出城，周圍起勢猛影。下午5:00，獨自一人到一樓的豊雅殿浸溫泉去。趁天未黑齊，於露天風呂可欣賞雪景，一樂也！
5:45pm，到天河品嘗著名的「一百品」自助餐，場內共分日菜、意菜及中菜三大區域，共超過一百種菜色任君選擇。未開始前，發現每人台上均有一杯像牛奶的飲品。唔知係咩R哂頭之際，一班香港旅行團殺到，導遊向各位講解，原來此為凍湯！
個人最喜愛的食物，有勝手丼、紅燒鹿肉、阿寒湖公魚天婦羅等等....7:00食完，嘆番罐麒麟啤，我像毛利小五郎一樣，嗄的一聲，滿足極了！
留言
發佈留言