旅程第六天晚，我們又回歸札幌，並下榻在第一晚住過的Sapporo Washington Hotel，今次房間內更有PC可上網。吃完晚飯，周圍行百貨公司，很夜才回酒店。第二朝又一早起身乘JR去小樽，弄至睡眠不足！
去小樽的一段火車，途經海邊。可能未試過坐火車可以咁近看海，不禁興奮起來。
原先計劃在南小樽站下車，再徒步行至小樽站，結果事與願違唔記得落車，要到小樽站才落。初初唔係好識路，幸好有熱心市民在地圖上劃路徑給我們。
冬天的小樽，給人更浪漫的感覺，如果你有睇經典日劇「情書」，相信來到這裡更能感受那份淒美的氣氛。最重要的是，小樽正舉行冰燈祭！所以晚上才是戲肉！
幾時先有生意呀~~等到頸都長啦！！梗係啦！冰天凍地(唔係無記綜藝節目)，邊個會幫襯你吖！(呢位仁兄係人力車伕)
日間的小樽運河，四野無人，夠膽嘅話落去游下冬冰仲得！
出拔小路，是小樽的著名美食區，可惜無緣一試八角(小樽特產魚類)料理。
音樂盒是小樽名物之一(都好多名物下....)，大型的音樂盒店更有成千上萬首樂曲給顧客揀，簡直花多眼亂。
硝子(即玻璃)又係小樽名物之一。
留言
發佈留言