登別熊牧場是道內最著名及最多遊客參觀的熊牧場，當然要到訪一下。
不過要先在山腳乘坐短途雪兜，再轉登山纜車，對於畏高的太太來講，是有幾分驚險刺激的！(你看她揸扶手揸得有幾實就知道)
不知何時開始，兇猛的熊人就被聰明的商人、漫畫家轉型為人見人愛嘅啤啤熊，俘虜萬千小孩、女士的歡心。咁又係嘅，熊人兇神惡煞咁，擺係屋企辟邪咩？
當天得零下6度，熊牧場好多部分都暫停開放，好彩，那裡的棕熊是不會冬眠的否則便白行一趟了！
咁凍天時仲有鴨仔運動會，辛苦你地啦！
在小賣部用100yen 買了包飼料，去到飼養小熊為主的第一牧場，請下佢地食下午茶先！除了2隻熊人好似幾日未開飯咁樣之外，其他都好懶洋洋，可能心想：「請我就要食呀？好巴閉咩？」
飯來張口，就是呢隻熊嘅寫照。不過...你個口好臭呀~~~~~！
牧場內亦有少見的熊博物館，可上一上堂biology！
館內陳列了阿伊努族的獵熊祭祀儀式，意味將附在熊身上的神祀送回天上。另外，由於以前真的經常有「熊出沒注意」，人們可揸正牌獵熊，棕熊瀕臨滅絕。多得1958年加森勝雄在此開了牧場，積極進行保育工作，宜家先有咁多熊人咋！
熊博物館天台的展望台，可遠觀日本第2清澈度的湖---俱多樂湖。(第一位是之前介紹過的摩周湖)
牧場內有一個過癮的設施---人之籠。平常動物園，人在外參觀籠內的動物，這個human cage則將大家角色轉換，令我可近距離感受熊人的壓迫力！
好多人都知，日文kuma即熊人咁解，由於與傻豹puma只差一個字，所以有好多紀念品如t-shirt等，都用隻熊人代替隻豹，但由於已不是什麼新鮮事，睇下就算，都無買到...
留言
發佈留言