2009/1/27
講起歐洲的酒店，不知是怎樣評級呢？我們住的ibis都幾出名架，不過就無雪櫃、無熱水煲、無牙刷...但其實依d都好平常，千祈唔好同亞洲的酒店比較....
一早乘metro，出站後，高聳的凱旋門已出現於眼前，但還是先到旁邊老麥吃早餐，包括有烟肉蛋的mcmuffin、朱古力蛋糕(唔熱)和熱朱古力(要自己沖)。原來巴黎嘅老麥仲有marcaron，但我梗係唔係度食啦！
凱旋門原本是拿破崙為紀念法國軍隊的威水史而籌建的，點知未起好，自己已先去見上帝！大家惟有安排他的遺體穿過此拱門，還他一個心願啦！但凱旋門四面那精緻絕倫的浮雕，他就無緣欣賞了！原來每面浮雕都有其象徵意義。
正下方中間有火盤燃點着，原來正是追悼在大戰中身亡的150萬法國士兵的無名戰士墓。
下面為拿破崙獲得勝利女神桂冠情景。點解永遠係女神，無男神嘅？
(下)馬賽曲：1792年，來自馬賽的義勇軍出征，擊退奧地利、普魯士軍隊，解救祖國危機(注意女神又出現喇、不過d老人家同細路哥都幾「英」！)
我們安排夜晚再登頂，因為夜裡五光十色的街頭要比現在吸引多呢！而且今日天陰陰的，日間風景照並不太好看...
參觀完凱旋門，便向香榭麗舍大道出發：
為了幫小米買香港斷哂貨嘅LV袋，生平第一次進入Louis Vuitton 鋪頭---那裡就是香榭麗舍大道總店。點知，原來總店都「無貨賣」！好彩，售貨員幫我地打去問邊間有，最後問到蒙田大道店仲有3個，幫我地reserve左，仲俾張職員卡片我地帶過去買。之前網友話香榭間LV嘅staff態度好串，唔憂生意咁，但我唔覺吖，都幾helpful呀！
售貨員建議我地宜家就去蒙田大道，因為嗰款袋好搶手wor！
其實我地已經起勢咁行去蒙田大道，但路經遊人趨之若鶩的拉度蕾甜品店，都受不住咁大誘惑。而且求先LV職員話仲有3件貨剩，即時放鬆哂，係拉度蕾入面慢慢排隊買經典法式甜點：蛋白杏仁餅Macaroon。
原來好耐以前Macaroon係無餡嘅，味道極之單調。就係拉度蕾將果醬放係杏仁蛋餅入面，令佢食味提升至另一層次。我食過中環擺花街某甜品店的Macaroon，味道令人回味。拉度蕾的Macaroon更美味，有些人會嫌它太甜，但我 和 太太卻愛上了它。點了Rose,Rumsberry,Mango,dark chocolate,cafe 同 Vanilla。玫瑰味果醬香甜可口、咖啡味濃而不澀，是我較喜歡的！
付款時，我想用紙盒包裝，售貨員問我係送禮還是自用。原來拉度蕾的紙盒雖然漂亮，但成€15個！都係用紙袋入算吧！
蒙田大道是名副其實的名店街，無心買野嘅大可skip去，但我身負重任噃！入到LV店內，已見到3位台灣女士拿著我目標嘅陳列品襯來襯去，店員話倉存只剩一個(太搶手，路途中又賣走2個)。好彩剛reserve左，唔係就空手而回咯！相反那3位台灣女士，只好繼續拿住那個不作販賣的display，向我們流露極之羨慕的眼神.....
蒙田大道上，鋪著刻有著名設計師的階磚，但我一D都唔知佢地係咩水.....
係巴黎租單車真係好易，但始終無緣一試，可惜，可惜！
留言
發佈留言