遊完船河，其他大陸遊客都被趕上巴士，我倆則施施然漫步河邊。冬天的歐洲，很多人說太冷，不適合旅遊。但正因為咁，路人不多，更能感受到寧靜的氣氛。
巴黎的垃圾桶好鬼普通，就咁笠個透明膠袋就係，好似驚俾人放炸彈咁。不過就方便d清潔工人做野，唔駛好似香港咁成個蓋拎起先可以倒垃圾。
雖然太太投訴好肚餓，不過我話睇完依條橋先食晏啦！依條橋就係以俄國沙皇，亞歷山大三世命名嘅橋喇！(Pont-Alexandre III)其實係法國為左同俄羅斯friend而係112年前起嘅....
宜家提起「沙皇」，好多人可能只想起阿仙奴嗰位艾沙雲...
亞歷山大三世橋真係好華麗，就似將宮殿搬到塞納河上，各式銅雕、石雕使這裡更添高貴、浪漫。
這裡可眺望到一樣咁金嘅巴黎傷兵院，唔知點解覺得以前嘅法國人好浮誇！
以下係全球最高嘅企立小天使銅雕，足足比巴黎鐵塔高3.25倍....
大皇宮(Grand Palais)是為1900年第5次巴黎萬國博覽會而建的豪華建築，裡面的「發現的殿堂」有類似我們科學館的展覽，但時間關係，沒時間參觀了...
小皇宮(Musee du Petit Palais)同樣時1900年時興建的，現時是一座美術館。
不知2010年上海世博又會否有新地標誕生呢，好想去看看呀！
花圃裡種了很多這種植物，我覺得像是沙律常用的蔬菜似的...可能是我太肚餓吧
見到很多警察在戒備，唔知有咩大事即將舉行呢？
食晏仔了，不吃法國菜，我們去左幫襯Pizza Pani。那裡的辣椒olive oil點麵包都好滋味架！巴黎d餐廳都唔會弧寒，你點菜後就送籃麵包你食。不過次次食完都飽左一半，食唔落主菜，但唔食又好似好浪費咁。
我叫左款腸仔蛋Mozarella Pizza，批底真係好正，而太太則點了她喜愛的生熟三文魚寬條麵。見到隔鄰的人客叫了一樣的pizza，但竟然唔食批邊，好似日環蝕一樣，睇黎浪費嘅係佢地先啱！
留言
發佈留言