[巴黎]2009春節巴黎之旅day4：羅浮宮PART2

中午了，先去到Baggage room取回背包(因朝早在酒店附近買了三文治放在內)，到開放式飲食區，到Cafe de la Pyramide買杯「熱朱」，吃個簡便的午餐。太太好鍾意食法國嘅薯片，又買了一包。其實羅浮宮內有各式各樣的餐廳，但為了把握時間，惟有求其d啦。之後，又去Baggage room寄存行李。我發覺嗰d職員唔多友善，好似公司欠佢地幾期糧咁.....。 擺低行李，佢地就俾個牌仔比我，點知d牌仔俾d繩繞實哂，解極都解唔開！(後來有位稍為懂變通的職員，去攞其他牌仔，先唔駛等咁耐)

香港的藝術館亦曾由向羅浮宮借了幾件珍貴的名畫及雕塑作展覽。香港的藝術館大都不可拍照，但羅浮宮內不單任影唔嬲，還有大量學生席地而坐，一起上寫生課。最攪笑的，是場內我只見過一張「No photo」的告示，但並非指羅浮宮的展品。所指的，其實是一位大嬸級畫家，帶齊全套裝備，進行「臨摹」，但可能驚有拍到她的「大作」，騷擾到她，所以便出此「下策」！！

參觀完一部份法國雕塑，便到達拿破崙三世套房，體驗一下曾興盛一時的沙龍文化。

「沙龍」一詞在法文中原指「客廳」、「會客室」之意。1725年，被稱為「太陽王」的法王路易十四在巴黎羅浮宮的Salon Carré（方形大廳）首度舉辦學院派的展覽，並名之為「方庭沙龍」，自此Salon（沙龍）一詞成為展覽用語。

之後去了黎塞留館(Richelieu)的B1中庭，觀賞其他著名法國雕塑，很喜歡這裡開揚的感覺，自然光線由天花滲進來，更令雕塑看起來詡詡如生！

如果可以係依個宴會廳食餐飯，會唔會俾d燈光燦到隻眼睇唔到d餸？

如果可以係依個宴會廳食餐飯，會唔會俾d燈光燦到隻眼睇唔到d餸？

套房內有不少中國特色的擺設，原來拿破崙三世都咁鍾意國產野~~~

第一眼望張床，就覺得好唔合比例，亦明白何謂「短小精悍」....

依個雕塑係咪要強調主角係黑色人種，所以咁樣配搭？

以前法國人的服飾，真係非常特別。

埃及的文化有濃厚的民族特色，令我一直嚮往，雖暫時未有機會到當地旅行，但仍可逛逛羅浮宮內巨型的埃及館，以解心癮！

行到累極了，坐低休息一下，可能身型較大份啦，坐低時發出較大聲響，嚇了一位外國小女孩一跳，她更一路怒睥住我。過了一會，那小女孩竟將外套蒙頭，意圖扮鬼嚇番我轉頭，真係勁攪笑！

有網友問我參觀完羅浮宮，找到達文西密碼嗎？

我便回答：文西將佢d密碼收得好密，所以搵唔到~~~HAHA^_^