電視台的魔術咸豬手事件正鬧得熱烘烘。我倆亦趁這熱潮，山長水遠地到赤柱美利樓的這間KING LUDWIG德國菜館，品嚐這招牌名菜，並提早一天慶祝情人節。
太太打開餐牌看一看，道：「我麻麻地鍾意食德國菜....」其實我已事先問她意見，說這裡主打咸豬手、香腸、扒類及薯餅，她當時的反影是試下無妨吖......！
招牌啤酒：充滿麥香，飲落順喉，食熱氣野就最啱！
帶子蝦仁忌廉湯：很creamy，亦很足料。
香腸拼盤：可一次嚐試6種不同香腸，有黑椒味的，有肉味較濃的，而且都幾多肉汁，唔會乾爭爭。
魔術咸豬手：豬手外皮鬆化可口，肉質亦很鮮嫩。太太卻嫌皮太硬難切。
拌碟的酸「菜」不「只」是「健」康的配角，最緊要是很開胃，平衡了豬手的肥膩。
不過其實應該點set dinner，因包埋dessert mountain，見很多客人都點。但set dinner的咸豬手就沒有幫你切開，唔知同我點嘅有咩分別呢？
幾滿意今餐，但食得太多肉太飽，連甜品亦沒有點(其實想食蘋果批)，有些遺憾。服務ok啦，但跌左隻叉叫位中年女侍應給隻新的，竟沒有跟進。有live band，但太遠，無咁投入，而座位亦較迫，不太舒服。
叫做試過德國菜啦！
留言
發佈留言