[北京]2011春節北京之旅day1-大董烤鴨

近年春節假期，多數出國渡歲(貪其機票酒店夠哂貴？)，但身為中國人，連首都北京都未踏足過，真的有點兒那個.....剛好小米夫婦在北京過年，今次一於玩轉佢~~~~

我們買的是東瀛遊港龍+novotel peace hotel package，大除夕的3:00pm，抵達北京首都機場。

首都機場都幾大，有3座航站樓，落機後要轉無人駕駛列車去另一站樓取行李，但指示很清楚，過程幾順利，坐車時無聊偷拍坐在旁的安保人員~~~

往市中心最佳方法是坐機場快軌(即機鐵)，都算抵搭，每位rmb25，15分鐘就有一班。買票時順便買埋「一卡通」，即香港八達通，之後搭公車地鐵就唔駛搵散紙咁麻煩~~~

去到總站東直門，都係20分鐘時間，之後轉地鐵到雍和宮站再轉線，發現雍和宮站月台幾有中國建築特色~~~

 地鐵路線圖，似唔似跳緊舞嘅索柏？sorry!是我太好想像力了~~~

於燈市口站落車，novotel peace hotel位於金魚胡同上。初時以為胡同即「掘頭航仔」，原來係大街大巷。check-in 後才5:30pm，但今晚係大除夕，恐怕很多人會外出做節

於是提早吃晚飯。話哂年晚飯(雖得我倆)，梗係食好d喇！附近金寶匯的大董烤鴨店就是今次target~~~

去到大董，雖然無訂枱，但時間尚早，不用排隊便有位了~~~

一場來到，當然要試烤鴨，我們點了嘉賓特選(rmb218)，師傅會將鴨皮同鴨肉分開，好考刀功架！佢地特登研究此「香不膩烤鴨」，食落真係一點也不油膩，鴨皮好鬆化甘香！

配以調料及荷葉餅，十分滿足~~~~~

紅花汁煮豆腐~~~好香濃

雀巢鴨寶，放在樹枝上，十足藝術品~~

是日用餐更有餃子贈送，其實本身已飽了九成~~另外今晚有抽獎活動，我們抽的是特別大獎~~~綿花糖~~十足去了荔園一樣(我的童年回憶番來了)

仲有生果盤送！下面仲放了乾冰，好有食神效果~~~

依度真係open kitchen(位於餐廳中央台上)，open到可走入去係咁影~~~

唔好誤會，依間唔係我地住嘅novotel，而係麗晶酒店，睇個外觀房價應該唔平~~~

街上很多人玩煙花慶祝新年，這些都十分小兒科。當夜整晚晚四處有發放大型煙火(相信是私人放的)，震撼度十足維港煙花(說笑的)。

真係令我地無覺好瞓，這個除夕十分難忘！

晚飯後到王府井大街逛逛，不經不覺已8點幾，唔知係咪大除夕嘅關係，九成店舖都已休息了，包括小食街，有點失望...

行到天津狗不理附近，忽然傳出爆炸聲...當然又是煙花，但太太被嚇一跳而「彈」到老遠....

此情此境，暴動乎？

酒店大堂養了多隻兔子，好應節呀~~