昨晚約了幾個月未見過面嘅兄弟出黎食飯，地點就近大家，選擇了去APM HIPOT打邊爐。
我掛住係書店打書釘，成7點幾先施施然去攞位，但已經勁多人等！到佢八點放工打俾我，仲要輪30張枱，臨住轉場啦！點知又忽然之間，等2人枱嘅客失哂蹤，2分鐘連嗌30個number，奇蹟地校到時間剛剛好！
即刻點野，試左蕃茄豬骨湯底，8蚊碟嘅肥牛叫左5碟，牛肉粒、黑豚肉、鬼五馬六(油炸鬼釀牛肉)....勁多野，擺到成枱都係。大家暢所欲言，開懷盡興，勁食狂飲，不知不覺已11點半。嗰度好在無人趕，坐到打烊都仲得，下次一於再去幫襯！
留言
發佈留言