近排有個嗜好，就係將am730、頭條日報0既食譜剪哂落黎儲...今天在家無野做，就玩煮飯仔啦~~
蕃茄炒蛋---食譜話要用生楂片做汁，落藥材鋪買先知係煲山楂水0既生楂片，我以為係細細個當零食0既山楂餅tim...喂喂..d生楂片一塊塊咁，點搗碎用熱水浸溶呀...分明係「山楂餅」寫錯「山楂片」啦...煮落都唔出味0既。齋落茄汁都得啦...
安祖comment：都ok..但太多水、蛋太碎...(我：唉..都係阿媽煮好食d...)
可樂雞翼---睇Yahoo 知識學煮，爆一爆d雞翼落d調味，再隊可樂就得啦...yahoo話煮滾後再炆15分鐘就得!嘩邊夠架...煲成粒鐘先入味0阿...
安祖comment：係咁0趙...講唔到野....我一出黎得番半煲...(我：d汁撈飯勁正)
上湯煮娃娃棻---完全無難度，用番上次打邊爐用剩0既李錦記豬骨上湯包煮...立春都過左...無幾可打邊爐啦...
安祖comment：ok啦...豬骨味怪怪地...用清水會好d(我：咁咪無味??)
黨參杞子瘦肉湯---係百佳買湯包，阿bee女負責洗材料及煲，佢話一定要寫依段...如果唔係人地會以為佢唔識煮飯...哦...
安祖comment：好飲!!!!!!(我：藥材湯麻麻地...)
留言
發佈留言