2009/5/2
佛誕，去邊最應節？當然是去大嶼山昂平參觀大佛啦！雖然行程「巷」到唔恨，但我真係十幾年未去過寶蓮寺喇！昂平市集更於開幕後仍未有到訪。今次剛好來過1 日遊啦！
雖然水晶底纜車剛開放使用，但因太太畏高，及仍對跌纜車事件念念不忘，我們只好在東涌乘23號巴士前往。到埗後已是下午2時，首先去膳坊食下齋先！叫了個羅漢齋炒麵，分量剛剛好，但太太因想飲湯，結果叫了雞蓉粟米湯...。食完午飯，落到大街，先發現好多booth係度賣素食，仲中西美食任君選擇添！
之後，就去左昂平茶館，唔係嘆茶，而係參觀下關於茶的展覽。平時只識水仙、普洱、鐵觀音嘅我，又長了不少知識。
跟住去Da Dolce食Gelato，叫左脆皮牛奶及番石榴味道，雖然同係意大利食嘅唔多似，但仍不失為消暑良伴！
真係好多人呀~~不過論墟陷，應該長洲太平清醮勁d~~~
跟住，柴娃娃地去觀賞靈猴影院及與佛同行。
靈猴影院：以為係4D電影，仲以為有什麼驚險刺激劇情，原來只是卡通片一齣，以輕鬆手法帶出「獨樂樂不如眾樂樂」的道理。套片太短了，只有15分鐘。好像是以兒童為目標的教育電視似的，大人看完只會得啖笑。
依棵菩提樹真係好巨大同埋....好假呀！(真樹點會種係石屎度？)
每次見到類似下面許願熱點，唔係諗下要許咩願，而係偷偷望下人地寫d咩~~(好似幾無良~~~！)
與佛同行：燈光聲效較多，介紹釋迦牟尼成佛經過，亦是卡通片，但起碼轉過3個場景，感覺較為充實。臨完場，拿葉子許願一段，天真的我以為佛像是冰雕的，差點像層雲峽冰瀑祭般，將葉子貼在「冰」像上。
總括而言，70大元一張套票是貴了點(靈猴影院及與佛同行)，但放假輕鬆一下之餘，又悟出點道理，何樂而不為？
由於太出名的關係，要拍特別的照片也不容易，有很多都是例行公事式、或到此一遊式。不過當中都有些是較滿意的，如剪影嗰幾張，可以順便練習一下不同的拍攝手法。
Skyrail 嘅昂平360股權已比港鐵買哂，告示海報只係用膠紙遮去Skyrail，真係環保喇！
去完寶蓮寺，食碗山水豆腐花，結束整天行程，祝君愉快！
留言
發佈留言