查實好多旅行團都有攪百萬葵園旅行團，就係因為想自由d，長途跋涉轉左n程車先去到，好似搵自己苯！7:30am出門，9:00到羅湖，9:30乘和諧號到廣州，10:30到達廣州東站，轉地鐵到黃閣汽車站，再轉362路巴士，終於1:30pm先到百萬葵園！！但見到咁靚嘅花，又可以慢慢行relax下，都值得嘅！
去食晏先，有葵花籽玉子豆腐、葵花白切雞(食葵花籽大)同葵花雞煲老火湯。
但係真係好多飛蚊呀！唔敢擘大個口。
交通：要搭廣州地鐵去4號線黃閣汽車站落車，然後行前70米轉搭362路巴士(車費10元，車程50分鐘)。
入場費都算貴，要85蚊，全年開放。
或者你可參考下面資料：
http://www.51766.com/xinwen/11003/1100331891.html 聽講中港城有船去南沙港碼頭，再轉的士，應該係最快架喇！
(可惜我太太驚暈船浪，本人並未嘗試此方法...)
其實山長水遠去百萬葵園，無非想睇下櫻花啫！
當天櫻花開得燦爛，而且天公造美，遊人亦特別多。百萬葵園已成為拍攝結婚照的勝地，一對對的新人在眾多遊人圍觀及圍影下，仍流露幸福甜蜜的笑容。
這令我想起前年到台北影婚照時，亦被途人指指點點，有點兒尷尬呢！太太說現在要「反影」番那些新人，以作「報復」！？
之後逛了逛動漫館，差不多5點了，趕得切換杯免費櫻花雪榚，其實係雲尼拿加些好像話梅粉的東西在上面，鹹鹹地，想自己灑多d粉，點知俾職員鬧：「你估食自助餐呀？」臨走前，吃了碗薑撞奶(此乃番禺、南沙特產，不可不試)，再買了些即沖裝薑撞奶同糖，就搭362號走人，回廣州市中心。
遊完百萬葵園，之後搭巴士，轉廣州地鐵，見到車門貼上做個文明乘客標語，原來他們真的很「文明」，爭先恐後程度比香港人更厲害百倍！
原本在十圃假日酒店訂了間房，說最遲6:00check in，但8點幾去到check in都ok，仲要upgrade我地去高級套房，真係lucky！肚餓了，便到街口轉角的廣州酒家吃飯，這間酒家已有幾十年歷史，內裡環境清雅，以為吃的是傳統廣東菜，點知一睇餐牌，9成以上是fusion菜式，想了一會，點了啫啫蠔煲、海鮮蒸豆腐、粟米煎薄餅，及炒菜芯。
啫啫蠔煲味道在意料之內，驚喜的是蒸豆腐，如蒸蛋做法一樣，而且很滑溜。
留言
發佈留言