今次搭左5程的士，起錶7蚊人仔，平過香港好多，但司機大佬嘅工作態度就真係古靈精怪咩都有，陳家祠去雕塑公園(以為有櫻花節點知得杜鵑)，成程23元，但司機就認兜遠左，肯收少2、3蚊(廣州宜家仲有燃料附家費1蚊，油價都跌左六七成喇)。但嗰一刻覺得佢好老實，又有禮貌。跟住打的去五月花廣場，都無問題。太太堅持要去8樓嗰間廚房製造，因旅遊書話楊千嬅都去過，質素有保證。試過又不是太特別，價錢與香港差不多，忌廉蟹柳湯、煎鴨胸(同menu幅相差好遠)、朱古力mose(好袖珍)。好彩有大大碟海膽炒飯，不過好似無開冷氣，西餐部樓底又矮，好侷促！下次未必會黎！自己沙律算是挽回一點分數。
之後打的去郵政博物館就攪笑喇！唔識路唔緊要，仲要一路搵一路「小小聲」就過火左d囉！係沿江西路真係咁難搵？去到先見到，內部裝修，暫停開放！我對住告示牌，腦海空白了數秒。之後唯有再地下行下啦。見到櫥窗有改革開放三十年紀念封，便問職員：「唔刻有無改革開放三十年紀念封賣？」點知佢好晦氣答我，「櫥窗入面咪有囉！」真係唔識變通！如果係香港咁問，sales應該好快攞出黎，然後講多謝幾多錢咁。
之後搭的返回海珠廣場站，一時唔記得名，同司機講「海珠」站，但佢好大反應：無依個站喎，你係咪攪錯？又遇到一位唔識變通嘅仁兄！
落行人隧道，有陣好濃嘅尿味，令人作嘔，可能依度未係地鐵管轄範圍掛？但有露宿者在那裡食緊飯，令人同情....之後去到廣州購書中心，在人山人海中，又買了六本書，三本係通識書，兩本勵志書，一本面相書，盛惠120元。
就咁結束兩天行程，團友自行回深圳解散，哈哈！！
留言
發佈留言