[意大利]2007意大利春節之旅day3:威尼斯最後一夜

2007/2/20

遊完漂亮的布拉諾島後，我們便坐水上巴士回到威尼斯本島。回想昨天早上我們還是盲中中不知方向亂搭船的遊客，現在已變成懂得在多條路線中，分析哪條最快可達目的地的「老手」，我真的不可不佩服自己的適應力(自己讚自己...)

回到碼頭看見米高安哲奴的聖殤像複製品，墊在耶穌下的美國國旗給人格格不入的感覺(為何不是以色列或意大利國旗呢??)

由於昨早的大運河船河之旅失敗了，不憤氣的我們決心再來一次...我們又回到昨天的碼頭，細心查看路線圖，再詢問職員，原來是我們擺了烏龍...根本不是在這裡上船...哈哈.....今次一定不會攪錯了!!

我們選擇接近黃昏出發，一上船就衝去船尾霸了個靚位...沿河天色不斷變化，還有幾位遊客自動幫我們影合照，這次船河實在太美滿了!

 威尼斯的日落，看多少次也不會厭。船夫心裡一定在想：終於收工了!正!

黃金宮有哥德式建築傑作的美譽，曾經是商館和住家兼具的宮殿。

 沿河上有許多共和國時代的貴族宅邸，以及外國人的貿易大樓。聽說很多建築都只是面向大運河的 一面會裝飾得美輪美奐，但另一面就...。這令我想到，我們又何嘗不是將優點顯露在人前，而缺點則盡量隱藏呢?

 我們再次經過雷雅托橋(Rialto)，它本是木製的，於1591年完成重(因怕火災)，成了今天所見的大理石橋。
聽說當年的單栱設計引起不少爭議，認為不夠力支撐整座石橋。現實証明這是極佳的設計，雷雅托橋四百多年後仍迄立不倒~~~

貢多拉始終是最佳攝影對象

如果嫌坐貢多拉貴，又想試試坐船仔滋味，就可選坐這些橫水渡。由於整條大運河只有三條橋：史卡奇橋、雷雅托橋及學院橋，橫水渡就成了遊客及本地人過河的主要方法。(其實還可以游水過去)

相對下，學院橋就簡陋得多...

賓尼兔爸爸趁復活節未到，有空也來遊覽一番，但你似乎要修身一下噃!

今天是面具節最後一天，聖馬可廣場有大型嘉年華會。激光射在古雅的聖馬可教堂上，耀眼又夢幻。

喂老友，你估而家會展電腦展呀...不過，佢又可以成功突圍wor...

唔知點解，好有幻彩耀香江feel...眼前就係尖沙咀鐘樓??

廣場上人頭湧湧，見到很多警察維持治安。

這位仁兄，你係冥鬥士0既咩星座呀，好熟口面喎。

雷雅托橋...晚上依然迷人。

安祖的同事話意大利有間連鎖自助餐店，d野抵食夾大件，叫做"brek"，原來就0係酒店附近，咪去試下law..

如果有睇prison break0既話，就會知道呢位廚師似邊個，無錯!就係跟埋michael一齊逃出fox river0既精神病患者。我地一入brek，就俾佢...煎緊0既扒...吸引住。我地order左一塊煎雞柳，見佢好似要煎好耐，咪周圍睇下有咩食囉。番到去個counter，佢煎好左，就問係邊個order，我認得件雞，就遞隻碟去攞。隔離有位阿叔，以為我地打尖，就怒啤我地...點知啫...個廚師都唔認人0既...

塊雞柳好乾下，早知唔叫啦!不過巴馬火腿咸咸地，幾好味wor!

似銀針粉的pasta，叫雙併兩隻味試哂...味道唔錯wor!

食飯梗係有湯啦!今次飲薯茸湯，幾有口感wor，最緊要係飽肚啊。白色一舊0既係意大利芝士mozzarella ，食落好香牛奶味，又幾得意wor，做頭盤唔錯!

由於明天要搭晨早6:30火車去佛羅倫斯，今晚唯有早d瞓啦，係房中聽見出面放煙花，但太累了...晚安zzzzz