[意大利]2007意大利之旅day6: 比薩,羅馬許願池

意大利果然是個以旅遊業為主的國家，從比薩火車站起步沿途已不斷有很多斜塔的紀念品擺賣：朱古力斜塔，磁石等...。經過波平如鏡的阿諾河，終於來到這世界奇蹟之一。可能相片見得太多，現在觸手可及，反而覺得自己像做夢一樣。斜塔沒有想像中斜，可能剛被修復了。這裡其實去一次就夠，因附近真的沒什麼好看，只有一個教堂和附屬博物館(又要收費，所以無入去...)我們的午餐就在斜塔下的矮梯級上，吃著從florenze買來的parma ham，安祖最愛飲的yoga 熱情果汁，及從香港帶來取來的嘉頓餅乾，一邊觀賞世界各地遊客(其實0架妹最多)擺出同一個pose，同一個表情，相信無任何名勝有此奇景了。雖然推斜塔拍照很老土，始終都要做做架...以免日後有遺憾啦。人人都作勢支撐住斜塔，我卻攪錯方向，好似要推冧佢咁，唔怪得好似與眾不同怪怪地咁...

當天陽光普照，很多人在附近享受日光浴，更有些學生利用這天然光進行溫習及做功課...真的很環保呢...

觀賞完斜塔，又買了件意大利4 粒星t-shirt 俾阿b後，我們便徒步回火車站，準備下一站旅程。心思思想食gelato，叫了一杯朱古力moose味的，點知異常難食!!而且又很快溶化，食到成手都係!!我地都覺得，手裡揸住的和排泄物沒有分別….

得出結論：食Gelato都係唔好亂咁試新味，叫tiramisu、咖啡、果仁或生果就最穩陣!!

另外，意大利的駕駛者一般都很禮讓，今天過馬路時就有位司機特登讓我們先行，之後還對我們說"cone li zhi wa"，好明顯，他們以為我們是日本遊客，這亦是常見的誤會...

目暮警官，現場發現一件DB...zzzzzz....唔好意思，攪錯左....

唔明點解咁多黑人賣冒牌貨0既...但係d人明知係冒牌又會走去幫襯....唔通唔驚俾海關捉...??

阿b好開心呀，有得去旅行，又有新衫著(四粒星當然代表意大利第四次捧世界盃啦)

遊完比薩，便回佛羅倫斯轉車到羅馬。其實比薩是有直通車到羅馬的，奈何我一早在網上訂了飛(仲要係EuroStar,好貴，成€18一位 )...

到達羅馬後，便到酒店先安頓一下，這裡的酒店大都分佈在一棟大廈的不同層數。來到門口，大大隻字寫著"4th piano"，當時以為4樓真的有座鋼琴!後來才知道，piano即是英文floor 咁解!

*******************************************************

旅程中，意大利文就聽得多，講就來來去去0個幾句：

ciao：讀「抄」，依句最好用，見面打招呼講"ciao"，再會時又講"ciao"，有d快餐店連名都叫"ciao"，紀念t-shirt都有印住"ciao ciao"的，可想而知幾深入民心。

grazie：所謂禮多人不怪，「多謝」前「多謝」後就無蝕底啦!

scusi：係人多擠迫0既地方就成日講，「唔好意思、借過」咁解!

si：讀「絲」。有時去鋪頭買野問野，仲以為d店員咁犀利連中文都識，原來，意大利的"si"，就係「是」咁解，真係巧合!!

buongiorno：讀「幫裝奴」，早晨呀!!!

之後便去到許願池附近的IL CHIANTI www.vineriailchianti.com 吃晚餐。什菜湯同沙律就一定有啦，另外點了roasted lamb with potato (rosemary sauce)及Homemade noodle with tomato cheese and porcoli mushroom。

羊腿烤得香口又juicy，而意粉則爽口彈牙。最精彩係當中0既牛肝菌，真係香氣撲鼻呀!(我決定要買包番屋企煮意粉!)